20:14 | 2020-09-18 ავტორი: Prime Time

ამირან გამყრელიძე – კრიტიკული 13 პაციენტიდან 5 ინტუბირებულია, მათგან 4 კი აფხაზეთიდან გადმოყვანილი

ამირან გამყრელიძე – კრიტიკული 13 პაციენტიდან 5 ინტუბირებულია, მათგან 4 კი აფხაზეთიდან გადმოყვანილი

სიმძიმის თუ მიხედვით შევაფასებთ, მთლიანობაში, კოვიდ-დადებითები, ვინც დღეს მკურნალობას გადის საავადმყოფოებსა თუ საკარანტინო სივრეცებში, ძირითადად ჭარბობს მსუბუქი, უსიმპტომო და საშუალო სიმძიმის ავადმყოფები, – ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალურმა დირექტორმა, ამირან გამყრელიძემ განაცხადა.

 

გრიპის ვაქცინას საქართველო ოქტომბერში მიიღებს!
2020-09-18გრიპის ვაქცინას საქართველო ოქტომბერში მიიღებს!

 

მისი ინფორმაციით, უსიმპტომო პაციენტების რაოდენობა საერთო ინფიცირებულთა დაახლოებით 10-15%-ს შეადგენს.

 

„უსიმპტომო პაციენტები ძირითადად გადადიან საკარანტინო სივრცეებში და სწორედ იქ იმართებიან. ასევე, გვყავს კრიტიკული 13 პაციენტი, საიდანაც ხუთი ინტუბირებულია, ანუ ფილტვის ხელოვნურ ვენტილაციაზე იმყოფება. მათგან ოთხი გახლავთ აფხაზეთიდან გადმოყვანილი ავადმყოფია. ჩვენ აქტიურად ვეხმარებით ჩვენს აფხაზეთის რეგიონს და თუ იქ მძიმე შემთხვევები ფიქსირდება, ისინი სწრაფად გადმოგვყავს ჩვენს კონტროლირებად ტერიტორიაზე და აქ ეწევათ შესაბამისი სამედიცინო დახმარება.

 

ასეთია დღეს ოთხი ავადმყოფი, რომელიც ხელოვნურ ვენტილაციაზე იმყოფება. კიდევ რვა პაციენტი ასევე კრიტიკულია, თუმცა ისინი გახლავთ ჟანგბადდამოკიდებული. ზოგადად მძიმეა 70-მდე ადამიანი, დანარჩენი კი, მსუბუქი, საშუალო და უსიმპტომო პაციენტები არიან“, – აღნიშნა ამირან გამყრელიძემ.

ავტორი: Prime Time

0
კომენტარი - +

სხვა სიახლეები