15:52 | 2020-09-08 ავტორი: სალომე ნეფარიძე

ამდენი წელია, ჩემნაირების ხარჯზეა ეს პარტია – ნანუკა ჟორჟოლიანი „ნაცმოძრაობაზე“

ამდენი წელია, ჩემნაირების ხარჯზეა ეს პარტია – ნანუკა ჟორჟოლიანი „ნაცმოძრაობაზე“

ტელეწამყვანი ნანუკა ჟორჟოლიანი საქართველოს ყოფილი პრეზიდენტის მიხეილ სააკაშვილის პრემიერობის კანდიდატად დასახელებას სოციალურ ქსელში ეხმაურება.

 

„ვაკვირდები მსჯელობებს თემაზე, მიშა და პრემიერობის კანდიდატი.

 

ჰოლა, ჩვენ აქ ვართ:) ადამიანები, რომლებიც ამდენი წელია ნაციონალურ მოძრაობას მხოლოდ მიშას ფაქტორის გამო ვაძლევთ ხმას. მიუხედავად ჩემი პატივისცემისა პარტიის კონკრეტული წევრების მიმართ.

 

ამდენი წელია, ზუსტად ჩემნაირების ხარჯზეა ეს პარტია მთავარი ოპოზიციური ძალა.

 

წავიკითხე, მიშამ ისევ მხოლოდ მის ერთგულ ამომრჩეველს მიმართაო, სხვებმა დაასრულეს გადაუწყვეტელ ამომრჩეველზე მუშაობა? და შედეგი? ადამიანების რიცხვი, რომლებმაც არ იციან ხმა ვის მისცენ, რატომ იზრდება?

 

და ნაცებს, ზუსტად მიშას ხარჯზე ჰყავს ამომრჩეველი, რომელიც ცემის, დაშინების, დამცირების მიუხედავად ამდენი წელია არსად მიდის.

 

მოკლედ, ჩვენც შეგვიმჩნიეთ ასეთი დისკუსიების დროს და იმაზეც დაფიქრდით, ექნება თუ არა ოპოზიციას საერთოდ კოალიციის შანსი, თუ ნაცები არ იტყვიან რომ მათი პრემიერობის კანდიდატი, ზუსტად რომ მიშა იქნება“, – წერს ნანუკა ჟორჟოლიანი. 

 

შეგახსენებთ, რომ საქართველოს ყოფილმა პრეზიდენტმა, უკრაინის რეფორმების საბჭოს აღმასრულებელი კომიტეტის თავმჯდომარემ, მიხეილ სააკაშვილმა 27 აგვისტოს განაცხადა, რომ ბრუნდება. გუშინ კი, საკუთარ ფეისბუქგვერდზე დაწერა, რომ დღეს დაბრუნების გეგმას წარადგენს.

 

დღეს კი გრიგოლ ვაშაძემ დღეს საგანგებო ბრიფინგზე განაცხადა, „ნაციონალური მოძრაობისა“ და „ძალა ერთობაშიას“ პრემიერ-მინისტრობის კანდიდატი მიხეილ სააკაშვილი იქნება.

ავტორი: სალომე ნეფარიძე

0
კომენტარი - +

სხვა სიახლეები