15:56 | 2020-03-29 ავტორი: Prime Time

ახალციხის ბაზარი მოვაჭრეებს და ასობით მოქალაქეს პოლიციამ იძულებით დაატოვებინა

ახალციხის ბაზარი მოვაჭრეებს და ასობით მოქალაქეს პოლიციამ იძულებით დაატოვებინა

დღეს, 29 მარტს, ახალციხის ცენტრალურ ბაზარში ტრადიციული, საკვირაო ბაზრობა გაიმართა. ალფამარკეტი და მისი მიმდებარე ტერიტორია მყიდველებისა და გამყიდველების რიგს ვერ იტევდა. ორკვირიანი პაუზის შემდეგ, მოქალაქეები ბაზარში სავაჭროდ მივიდნენ. მათი თქმით, საკვების მარაგი ამოეწურათ და სახლიდან ამიტომ გამოვიდნენ.

 

სოფლებიდან ჩამოსული მოქალაქეები კი აცხადებდნენ, რომ საგაზაფხულო სამუშაოების დროა და ნერგები, თესლები და პესტიციდები უნდა მოიმარაგონ.

 

ბაზარში ყველა ერთხმად თანხმდება, რომ დღეს ჯანდაცვის სამინისტროს მიერ გაცემული რეკომენდაციები დაირღვა, თუმცა იმედოვნებენ, რომ ამით საფრთხე არავის შექმნია.

 

მას შემდეგ, რაც ახალციხის ბაზარში ჟურნალისტები შენიშნეს, ადგილზე სამართალდამცველები გამოჩნდნენ.

 

მათ მოქალაქეებს საგანგებო მდგომარეობის წესების დაცვისკენ მოუწოდეს, თუმცა შეუსრულებლობის გამო, ბაზრის დახურვის გადაწყვეტილება მიიღეს.

 

შეგახსენებთ, რომ საქართველოს პრეზიდენტის დეკრეტისა და მთავრობის დადგენილებით, საგანგებო მდგომარეობის ვადით, დაწესებულია სხვადასხვა შეზღუდვები, მათ შორის:

 

• აიკრძალა საჯარო სივრცეში 10 პირზე მეტი ადამიანის შეკრება;

• იმ ობიექტებში, რომელთა მუშაობაც არ შეჩერებულა, დადგინდა 2-მეტრიანი სოციალური დისტანციის დაცვის ვალდებულება;

• მთელი ქვეყნის მასშტაბით შეჩერდა ავტობუსებითა და მიკროავტობუსებით მგზავრთა საქალაქთაშორისო გადაყვანა;

• დაწესდა შეზღუდვები ეკონომიკურ საქმიანობაზე

• აიკრძალა საკარანტინო ზონების თვითნებური დატოვება.

 

მიმდინარე მოვლენების ინფორმაცია მოკლედ:

 

 

 

 

 

 

  • მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.

 

 

 

 

 

 

წაიკითხეთ და გაითვალისწინეთ საჭირო რეკომენდაციები

 

 

 

 

 

 

 

გადაწყვეტილება, რომელიც საგანგებო რეჟიმს დროს მოქმედებს

 

 

 

 

 

ავტორი: რუსკა გვარამაძე

ავტორი: Prime Time

0
კომენტარი - +

სხვა სიახლეები