ვიდეოები

1721421330

VIDEO: რა მოხდა „პრაიმ ჰაუსის“ დასრულების შემდეგ - ნახეთ, კადრები

„პრაიმ ჰაუსის“ 3 ფინალისტის ვინაობა ცნობილია.გამარჯვებისთვის საბოლოო ბრძოლას განაგრძობენ: გიორგი დიასამიძე, პაატა თედიაშვილი, სალომე კაპანაძე.ნახევარ ფინალში პროექტს მიშო გრძელიშვილი გამოეთიშა.გადაცემის დასრულების შემდეგ პროექტში დარჩენილ მონაწილეებს გულშემატკივრები ელოდებოდნენ და მათ ოვაციებით ხვდებოდნენ. 

ჰაუსი backstage

ტაბლოიდი

სოციალური თემა

puli

1718608422

ნახეთ, ხართ თუ არა იმ პირთა სიაში, ვისაც ივლისიდან ხელფასი გაეზრდება

პირველი ივლისიდან საჯარო სტატუსის მქონე ყველა მასწავლებელს ანაზღაურება საშუალოდ, 500 ლარით გაეზრდება. ამის შესახებ ინფორმაციას განათლებისა და მეცნიერების სამინისტრო ავრცელებს. აღნიშნულ თემაზე განაცხადა ასევე პარლამენტში სიტყვით გამოსვლისას განათლების მინისტრმა, გიორგი ამილახვარმა.მინისტრის განცხადებით, 2024 წლის 1-ელი ივლისიდან სრული დატვირთვის პირობებში, მასწავლებლების ხელფასი, სტატუსის მიუხედავად, საშუალოდ 500 ლარით გაიზრდება.გარდა ამისა, გიორგი ამილახვარმა ისაუბრა უფასო კვებასთან დაკავშირებულ სასკოლო მოდელზე. მისი თქმით, სამინისტრომ შეისწავლა თითოეული სკოლა და კონკრეტული მოდელები დაგეგმა. გიორგი ამილახვრის თქმით, ერთადერთი ხელისუფლება, რომელმაც ამ პრობლემის მოგვარება დაიწყო, "ქართული ოცნებაა". "საზოგადოებას მინდა სრულყოფილი ანგარიში ჩავაბარო. სამწუხაროდ, ოპონენტების ნაწილი არ არის, ამიტომ ვიცი, რომ იქნებოდა ამ თემაზე კითხვები. ისე დახატეს, თითქოს ჩვენ მიერ შექმნილია ეს პრობლემა და არ არსებობს 30 წელზე მეტია. ვინ, ვინ და ჩვენ მოვკიდეთ ხელი ამ რეფორმას და ვეჭიდებით. რეალურ ნაბიჯებს ვდგამთ, რომ დავიწყოთ ამ პროცესის განხორციელება.პირველი, ყველა არსებულ ბუფეტში, როგორც საჯარო, ისე კერძო სკოლებში, განვსაზღვრეთ ის მინიმალური სტანდარტები ჰიგიენის, სურსათის უვნებლობის პროდუქტთა ჩამონათვალი, რომელიც დასაშვებია ან არ არის დასაშვები იყოს სასკოლო სივრცეში. რა თქმა უნდა, ყველა შესაბამის უწყებასთან კონსულტაციაა გავლილი და ამან მეტ-ნაკლებად დაარეგულირა ის გამოწვევები, რომელიც არსებობდა.მეორე, სწორი ანალიზისთვის თითოეული სკოლა დეტალურად შევისწავლეთ, რომ კონკრეტულ მოდელებზე გადაწყვეტილება მიგვეღო. ამ მიზნით სამინისტროში დამტკიცდა სასკოლო კვების პროგრამა, სადაც ჩვენმა ექსპერტებმა თითოეული სკოლა აღწერეს, რომ კონკრეტული ეტაპები დაგვენერგა" ,- განაცხადა გიორგი ამილახვარმა.მინისტრის თქმით, უახლოეს პერიოდში სამინისტრო საზოგადოებას კონკრეტულ ვადებსა და მოდელებს გააცნობს, რომელიც სამინისტრომ სასკოლო კვებასთან დაკავშირებით დაგეგმა."მინდა საზოგადოებასდავპირდე, 1-2 თვის ფარგლებში, ჩვენ უკვე შევძლებთ კონკრეტული მოდელებით და კონკრეტული ვადებით, რომელ სკოლაში და რომელ რეგიონში დავიწყებთ ამ პროგრამას.არის ასეთი საერთაშორისო ორგანიზაცია - "კვება, ჯანმრთელობა და განათლება ყველა ბავშვისთვის"- ამის წევრი გახდა ჩვენი სამინისტრო, სადაც ეროვნული ვალდებულებები განვსაზღვრეთ და გავიზიარებთ წარმატებული ქვეყნების მაგალითსა და გამოცდილებას", - განაცხადა გიორგი ამილახვარმა.

სხვა სიახლეები

კამალა ჰარისი

პოლიტიკა 1721716756

„გიყურებ, შვილო და მიყვარხარ“ - ჯო ბაიდენმა კამალა ჰარისს კამპანიის ფარგლებში შეხვედრისას დაურეკა

აშშ-ის ვიცე-პრეზიდენტს, კამალა ჰარისს დემოკრატების ოფისში, კამპანიის ფარგლებში შეხვედრისას ჯო ბაიდენმა დაურეკა.„ძალიან სასიამოვნოა ჩვენი პრეზიდენტის ხმის გაგონება. გვიყვარხარ ჯო, ჯილლ. ისინი ნამდვილად ჩემი ოჯახი არიან“, –  აღნიშნა ჰარისმა ბაიდენთან სატელეფონო საუბრისას.ბაიდენმა საპასუხოდ ჰარისს მიმართა:„ეს ორმხრივია. გიყურებ, შვილო, გიყურებ და მიყვარხარ“, – უპასუხა ჯო ბაიდენმა.

nensi pelosi

მსოფლიო 1721716560

ნენსი პელოსი მხარს უჭერს კამალა ჰარისს

აშშ-ის წარმომადგენელთა პალატის ყოფილმა სპიკერმა, დემოკრატმა ნენსი პელოსიმ ვიცეპრეზიდენტ კამალა ჰარისის საპრეზიდენტო კანდიდატურას მხარი დაუჭირა.„დღეს დიდი სიამაყითა და ჩვენი ქვეყნის მომავლის მიმართ უსაზღვრო ოპტიმიზმით მხარს ვუჭერ კამალა ჰარისის კანდიდატურას შეერთებული შტატების პრეზიდენტის პოსტზე. ჩემი ენთუზიაზმით სავსე მხარდაჭერა კამალა ჰარისის პრეზიდენტობის მიმართ არის ოფიციალური, პირადი და პოლიტიკური. სრულიად დარწმუნებული ვარ, რომ ის ნოემბერში გამარჯვებამდე მიგვიყვანს“, - აცხადებს პელოსი. 

შეხვედრა

პოლიტიკა 1721716531

იორდანიაში საქართველოსა და იორდანიის ჰაშიმიტური სამეფოს კულტურის მინისტრების შეხვედრა გაიმართა

საქართველოს კულტურისა და სპორტის მინისტრი თეა წულუკიანი სამუშაო ვიზიტით იმყოფება იორდანიის ჰაშიმიტურ სამეფოში, სადაც კულტურის მინისტრ ჰაიფა ნაჯარის შეხვდა.შეხვედრას ასევე ესწრებოდნენ კულტურისა და სპორტის მინისტრის მოადგილე, კულტურული მემკვიდრეობის დაცვის ეროვნული სააგენტოს დირექტორი ნიკოლოზ აზნაურაშვილი, იორდანიის ჰაშიმიტურ სამეფოში საქართველოს საგანგებო და სრულუფლებიანი ელჩი არჩილ ძულიაშვილი და ორივე მხარის სამინისტროების თანამშრომლები.კულტურის მინისტრებმა ქვეყნებს შორის ურთიერთობის განმტკიცებისა და კულტურული თანამშრომლობის საკითხები განიხილეს. განსაკუთრებული ყურადღება გაამახვილეს კულტურული მემკვიდრეობისა და ეროვნული იდენტობის დაცვაზე.შეხვედრაზე მასპინძელთა შეთავაზებით დაიგეგმა არქეოლოგიური ძეგლების მონახულება, სადაც მომავალში ერთობლივი საქმიანობის დაწყება შეიძლება.გარდა ამისა, მნიშვნელოვანია, რომ საქართველო მონაწილეობას მიიღებს იორდანიის ჰაშიმიტურ სამეფოში გამართულ ჯერაშის კულტურულ ფესტივალში, რომელიც მეფე აბდულა II-ის გამეფების 25 წლის იუბილეს ეძღვნება. ჩვენი ქვეყნის კულტურასა და ხელოვნებას ღირსეულად წარმოაჩენს აჭარის რეგიონის ქორეოგრაფიული ანსამბლი „ბათუმი“.შეხვედრის ბოლოს საქართველოს კულტურისა და სპორტის მინისტრმა თეა წულუკიანმა იორდანიის ჰაშიმიტური სამეფოს კულტურის მინისტრი ჰაიფა ნაჯარი საქართველოში მოიწვია.ინფორმაციას საქართველოს კულტურისა და სპორტის სამინისტრო ავრცელებს.

დიმიტრი ხუნდაძე

პოლიტიკა 1721716451

„ნაციონალური მოძრაობის“ მიერ წინასაარჩევნოდ შექმნილი და საზოგადოებისთვის მიწოდებული სხვადასხვა კონფიგურაცია მმართველ გუნდს ზიანს ვერ მიაყენებს - ხუნდაძე

„საზოგადოების მთავარი დაკვეთა - საქართველო, მშვიდობიანად და ღირსეულად გახდეს დასავლეთის ოჯახის წევრი შესრულებული იქნება“, - განაცხადა მედიასთან საუბარში პარტია „ხალხის ძალის“ გენერალურმა მდივანმა, დეპუტატმა დიმიტრი ხუნდაძემ.მისივე თქმით, საქართველოს ურთიერთობა ამერიკის შეერთებულ შტატებთან აუცილებლად პოზიტიური იქნება.დეპუტატმა საქართველოში მიმდინარე წინასაარჩევნო პერიოდზეც ისაუბრა და აღნიშნა, რომ „ნაცმოძრაობის“ დაყოფით მმართველ გუნდს ზიანი არ მიადგება, თუმცა დაზარალდება მათი ამომრჩეველი.„ნაციონალური მოძრაობის“ მიერ წინასაარჩევნოდ შექმნილი და საზოგადოებისთვის მიწოდებული სხვადასხვა კონფიგურაცია მმართველ გუნდს ზიანს ვერ მიაყენებს. რაც უფრო მეტად დაიყოფიან, მით უფრო მეტად დაყოფენ საკუთარ ამომრჩეველს.„ხალხის ძალამ“ მმართველი გუნდიდან გამოყოფის მიზეზი თავის დროზე განმარტა. ვფიქრობდით, რომ სიმართლე, მიმდინარე მოვლენებზე უფრო ღიად იყო სათქმელი. ჩვენი გუნდი უმრავლესობიდან არ გასულა, არც ღირებულებითი აცდენა გვქონია და ოქტომბერში დაგეგმილ არჩევნებშიც ერთად მივიღებთ მონაწილეობას. ბოლოდროინდელმა გარემოებებმა, სიმართლის თქმის ტონალობაშიც სხვაობა გააქარწყლა და მმართველი გუნდი, ახლა უკვე „ხალხის ძალასთან“ ერთად პირდაპირ ამბობს, იმ სათქმელს, რაც აუცილებელია ქვეყნისა და საზოგადოების უსაფრთხოებისათვის. ამ ურთულესი ვითარებიდან საქართველოსთვის ერთადერთი გამოსავალი სიმართლის თქმა და საზოგადოების ერთობაა.ოპოზიციას არაფერი ღირებულებითი არ გააჩნია. შეგახსენებთ, როგორ ლანძღავდნენ დონალდ ტრამპს. მოიხსენიებდნენ კლოუნად, ოლიგარქად, რუსეთთან დაახლოებულ პირად. დღეს კი შეცვალეს ტონალობა. ისინიც ხვდებიან, რომ ტრამპი არჩევნებში აუცილებლად გაიმარჯვებს. უკვე ჩადიან ამერიკაში და რესპუბლიკელების ღონისძიებას ესწრებიან ესწრებიან.ვფიქრობ, რომ ამერიკის შეერთებულ შტატებში არჩევნები ტრამპის გამარჯვებით დასრულდება, რაც პოზიტიურ გავლენას იქონიებს უკრაინაში ომის დასრულებაზე. მიმაჩნია, რომ ტრამპის გამარჯვების შემდეგ მსოფლიო პოლიტიკა პოზიტიურ რელსებზე გადაეწყობა. აუცილებლად დალაგდება ურთიერთობები ამერიკასა და საქართველოს შორის. რა თქმა უნდა, ომის პარტია თავის მიზანს ვერ მიაღწევს.ჩვენი პოლიტიკური ხვალინდელი დღე დასავლეთთან მიმართებაში პოზიტიური იქნება და საზოგადოების მთავარი დაკვეთა - საქართველო მშვიდობიანად და ღირსეულად გახდეს დასავლეთის ოჯახის წევრი, შესრულებული იქნება, “ - განაცხადა დიმიტრი ხუნდაძემ. 

მიწისძვრა

შემთხვევა 1721716350

საქართველოში მიწისძვრა მოხდა - სად იყო ეპიცენტრი

საქართველოში მიწისძვრა მოხდა. დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისძვრის ეპიცენტრი ქალაქი ნინოწმინდა, სოფელი სამება იყო. სიმძლავრემ 3.1 მაგნიტუდა შეადგინა.