17:51 | 2021-08-18 ავტორი: Prime Time

1400-დან 1600 ლარამდე ექთნებს, 5000 ლარზე მეტი ექიმებს – ტიკარაძემ თქვა, რამდენი აქვთ ხელფასი კოვიდკლინიკებში დასაქმებულებს

1400-დან 1600 ლარამდე ექთნებს, 5000 ლარზე მეტი ექიმებს – ტიკარაძემ თქვა, რამდენი აქვთ ხელფასი კოვიდკლინიკებში დასაქმებულებს

მნიშვნელოვანია, რომ მაქსიმალურად გამოვიყენოთ ყველა საინფორმაციო საშუალება პაციენტებისა და მოქალაქეების ინფორმირებისთვის, რათა ჩვენ არ გამოვიყენოთ იძულებითი წესი მოქალაქეების ვაქცინაციისთვის, – ამის შესახებ ჯანდაცვის მინისტრმა ეკატერინე ტიკარაძემ განაცხადა.

 

მისივე თქმით, საველე ჰოსპიტლები მედპერსონალით უზრუნველყოფილია და თუ საჭირო გახდება, ჩაერთვებიან მოხალისეებიც, რასთან დაკავშირებითაც ჯანდაცვის სამინისტროს კომუნიკაცია „წითელ ჯვართან“ ჰქონდა.

სასულიერო პირების ერთმა ჯგუფმა ჩემი კოლეგების საქმიანობა შეადარა ნაცისტი ექიმის ქმედებებს - კულუმბეგოვი საპატრიარქოს მიმართავს
2021-08-18სასულიერო პირების ერთმა ჯგუფმა ჩემი კოლეგების საქმიანობა შეადარა ნაცისტი ექიმის ქმედებებს - კულუმბეგოვი საპატრიარქოს მიმართავს

 

ეკატერინე ტიკარაძემ მედპერსონალის ანაზღაურებაზე საუბრისას განაცხადა, რომ მათი ხელფასები კოვიდის წინა პერიოდთან შედარებით გაზრდილია.

 

„მე დავინტერესდი, არა მხოლოდ თბილისის მასშტაბით, არამედ რეგიონების მასშტაბით, რამდენად ერთგვაროვანი იყო მიდგომა იმასთან მიმართებაში თუ როგორია სამედიცინო პერსონალის ანაზღაურება. არის დადგენილება, რომელიც დაახლოებით ერთი წლის წინ არის გამოცემული, რომელიც უზრუნველყოფს და განსაზღვრავს საექიმო პერსონალის და ასევე საექთნო პერსონალის და ზოგადად კლინიკებში დასაქმებული ყველა ადამიანის სახელფასო ანაზღაურებას.

 

გამოიკვეთა, რომ ერთი ექთნის ხელფასი დღესდღეობით არის 1400-დან 1600 ლარამდე, ვინც დასაქმებულია კოვიდკლინიკებში. სანიტრების ხელფასი არის 600-დან 800 ლარამდე. ექიმების ხელფასი აღემატება 5 000-ს ლარს. იმ გარემოებების გათვალისწინებით თუ რა იყო მათი ხელფასები კოვიდის წინა პერიოდში, რა თქმა უნდა, ეს არ არის ცუდი ანაზღაურება, თუმცა ასევე, შეიძლება, განვიხილოთ დანამატების კიდევ ზრდა და მენეჯმენტის გამართვა“, – განაცხადა ეკატერინე ტიკარაძემ.

 

ასევე დაგაინტერესებთ ⇓

 

 

 

 

 

ავტორი: Prime Time

X

error: Content is protected !!