პოლიტიკა • 1713508785

საქართველო დეკადური (ათწლიანი) ეკონომიკური ზრდის პროგნოზის სამი მიმართულებით მსოფლიოს საუკეთესო სამეულებში მოხვდა

საქართველო დეკადური (ათწლიანი) ზრდის პროგნოზის სამი მიმართულებით მოხვდა მსოფლიოს საუკეთესო სამეულებში.· ერთ სულ მოსახლეზე რეალური მშპ-ს ზრდა· $GDP per capita მსყიდველუნარიანობის პარიტეტის მიხედვით ზრდის ტემპი· $GDP per capita მსყიდველუნარიანობის პარიტეტის მიხედვით მუდმივ ფასებში ზრდის ტემპიაღსანიშნავია, რომ საქართველოს ეს ათწლედური საპროგნოზო შედეგი 2019 წელთან, ანუ პანდემიამდელ პერიოდთან შედარებით დაფიქსირდა, რითაც საბოლოოდ გაქარწყლდა უსაფუძვლო ნარატივი, რომ მიმდინარე წლებში მაღალი ეკონომიკური ზრდის გამორჩეული მაჩვენებლები 2020 წლის ძლიერი ეკონომიკური ვარდნის ეფექტით იყო გამოწვეული და პანდემიამდელ პერიოდთან შედარებით საქართველოს გრძელვადიანი ეკონომიკური ზრდის კარგი პერსპექტივა არ უჩანდა.1. ერთ სულ მოსახლეზე რეალური მშპ-ს ზრდის ათწლიანი ტემპის მიხედვით 2029 წელს მსოფლიოს საუკეთესო სამეულში იმკვიდრებს ადგილს და ევროპაში ზრდის უპირობო ლიდერია. ამ პერიოდში ყველაზე მაღალი ეკონომიკური ზრდა ექნება გაიანას კოოპერატიულ რესპუბლიკას, რომლის ეკონომიკა 2019 წელთან შედარებით 2029 წელს 967 %-ით იზრდება (საშუალოწლიურად 26,7%) , შემდეგ მოდის ბანგლადეში (საშუალოწლიურად 5,3%) და საქართველო (საშუალოწლიურად 5,3%) (2-ე / 3-ე ადგილი), რომელთა ეკონომიკა აღნიშნულ ათწლედში 68%-ით იმატებს, შემდეგ კი 60%-ანი ეკონომიკური ზრდით 4-ე/5-ე პოზიციაზე ინდოეთი (საშუალოწლიურად 4,8%) და ვიეტნამია (საშუალოწლიურად 4,8%).2. მსყიდველუნარიანობის პარიტეტის მიხედვით ერთ სულ მოსახლეზე (GDP per capita PPP) ნომინალური ეკონომიკის ათწლიანი საპროგნოზო ზრდის ტემპის მიხედვით 2029 წელს საქართველო მსოფლიოს საუკეთესო სამეულშია. სავალუტო ფონდის შეფასებით 2023 წელს ერთ სულ მოსახლეზე საქართველოს მსყიდველუნარიანი ეკონომიკა 10%-ით გაიზარდა და 23 236 დოლარს გადააჭარბა . 2024 წელს მსყიდვეულუნარიანი ეკონომიკა ერთ სულ მოსახლეზე ხდება 25 248 დოლარზე მეტი, 2029 წლისთვის კი აჭარბებს 35 642 საერთაშორისო დოლარს.3. საქართველოს მთლიანი შიდა პროდუქტი ამერიკულ დოლარში ერთ სულზე 2029 წელს 12 900 ამერიკულ დოლარს გადააჭარბებს, 2020 წელთან შედარებით გასამმაგდება, 2021 წელთან შედარებით კი ორნახევარჯერზე მეტად იზრდება. უშუალოდ 2029 წელს ფონდის პროგნოზით საქართველოს ნომინალური ეკონომიკა ერთ სულ მოსახლეზე ამერიკულ დოლარში 8,6%-ით გაიზრდება. შესაბამისად, შეგვიძლია ვთქვათ, რომ სულ მცირე, თუნდაც ამ ბოლო, ანუ 2029 წლის ზრდის საპროგნოზო ტემპის შენარჩუნების შემთხვევაში, საქართველოს მშპ ერთ სულზე 2030 წელს გადააჭარბებს 14 018 აშშ დოლარს, რითაც გადაასწრებს თურქეთის(!!!) 2029 წლის საპროგნოზო მაჩვენებელს (14 011 $) და მაღალი ალბათობით გახდება მაღალშემოსავლიანი სტატუსის მქონე ქვეყანა მსოფლიო ბანკის გრადაციით(!!!).4. ფონდის შეფასებით, საქართველოს ეკონომიკა მსყიდველუნარიანობის პარიტეტის მიხედვით (GDP PPP, current prices) 2024 წელს გადააჭარბებს 94 მლრდ დოლარს და უკვე სამი წელია რაც უსწრებს ლატვიას, რომელიც 2024 წელს 79 მლრდ დოლარამდე გაიზრდება. სავალუტო ფონდის პროგნოზით მომდევნო ორ წელიწადში, ანუ 2026 წელს საქართველოს მსყიდველუნარიანი ეკონომიკა 107 მილიარდ 401 მილიონი დოლარი გახდება და იმავე წლიდან გადააჭარბებს ლუქსემბურგს 1 მილიარდ 423 მილიონი დოლარით (წინა პროგნოზის მიხედვით 2028 წლიდან უნდა გაგვესწრო). 2029 წლისთვის საქართველოს ექნება უფრო დიდი ეკონომიკა მსყიდველუნარიანობის პარიტეტის მიხედვით ვიდრე ევროკავშირის წევრ 6 ქვეყანას _ ლუქსემბურგს, ლატვიას, ესტონეთს, კვიპროსს, მალტას და ისლანდიას. 2029 წლისთვის საქართველოს მთლიანი შიდა პროდუქტი მსყიდველუნარიანობის პარიტეტის მიხედვით 131 მილიარდ საერთაშორისო დოლარს გადააჭარბებს

პოლიტიკა • 1713508159

ხელისუფლებამ უნდა დაიწყოს „გამჭვირვალობის კანონის“ მხარდამჭერთა ხელმოწერების შეგროვება, საიდანაც გამოჩნდება საზოგადოების რა ნაწილი უჭერს მხარს კანონს და დაუყოვნებლივ დაიწყოს საჯარო დებატები ოპონენტებთან - ზაალ ანჯაფარიძე

ექსპერტმა ზაალ ანჯაფარიძემ "უცხოური გავლენის გამჭვირვალობის" კანონთან დაკავშირებით რამდენიმე მოსაზრება წარმოადგინა. მისი თქმით, ხელისუფლებამ უნდა დაიწყოს კანონის მხარდამჭერთა ხელმოწერების შეგროვება, საიდანაც გამოჩნდება საზოგადოების რა ნაწილი უჭერს მხარს კანონს და დაუყოვნებლივ დაიწყოს საჯარო დებატები ოპონენტებთან, რათა ვაჩვენოთ ჯერ საკუთარ თავს და შემდეგ გარე სამყაროს, რომ საქართველოს აქვს მაღალი სამოქალაქო კულტურა და შეგნება და რომ ქვეყანაში არსებობს მონაწილეობითი დემოკრატია.„რამდენიმე მოსაზრება "უცხოური გავლენის გამჭვირვალობის" კანონთან დაკავშირებით, იქიდან გამომდინარე, რომ სახელმწიფო არის ხალხი, ანუ ჩვენ:1/ ხელისუფლებამ დაიწყოს კანონის მხარდამჭერთა ხელმოწერების შეგროვება, საიდანაც გამოჩნდება საზოგადოების რა ნაწილი უჭერს მხარს კანონს. იგივეს გაკეთება შეუძლიათ კანონის ოპონენტებსაც. ეს იქნებოდა ერთგვარი არაფორმალური პლებისციტი 2/ რამდენადაც ცნობილია, კანონის ოპონენტების ცალკეული წარმომადგენლების მხრიდან გამოითქვა ხელისუფლებასთან საჯარო დებატების მზაობა. დაუყონებლივ დაიწყოს ეს დებატები - პირდაპირ ეთერში!3/ რატომ არის, ჩემი აზრით, საჭირო ამის გაკეთება? იმიტომ რომ ვაჩვენოთ ჯერ საკუთარ თავს და შემდეგ გარე სამყაროს, რომ გვაქვს (თუ გვაქვს!) მაღალი სამოქალაქო კულტურა და შეგნება და რომ ქვეყანაში არსებობს მონაწილეობითი დემოკრატია“, - წერს ანჯაფარიძე.

რჩევები • 1713507540

„ნუ შეიძენთ პრიალა კვერცხს...“ - რჩევები კვერცხის შეღებვამდე

სააღდგომოდ ყველა ოჯახში იღებება კვერცხი და შესაბამისად, კვერცხზე მოთხოვნაც ძალიან იზრდება. ამ დროს უფრო დიდია რისკი, რომ ვინმემ სიტუაციით ისარგებლოს და უხარისხო, არასათანადო პირობებში შენახული პროდუქცია გაყიდოს.როგორ უნდა აარჩიოთ კვერცხი, რომ არ მოტყუვდეთ. ამის შესახებ სურსათის უვნებლობის სპეციალისტიმარიამჩაჩუა გადაცემაში "დილა მშვიდობისა საქართველო" საუბრობს."კვერცხი ფოროვანი პროდუქტია და მასში მიკრობების შეღწევა ძალიან ადვილია. ამიტომ, პირველ რიგში, კვერცხი ჰიგიენურ გარემოში იყიდეთ და აუცილებლად თავდახურულ მდგომარეობაში. კვერცხის სიახლეზე მეტყველებს მისი ზედაპირიც, შეხებისას ერთგვაროვანი და ხაოიანი უნდა იყოს და არა პრიალა. ახალი კვერცხი ბევრად უფრო სასარგებლოა. უმჯობესია, რომ 7 დღემდე ვადის კვერცხი შევიძინოთ, 3-4 დღის კვერცხი ყველაზე სასარგებლოა.საერთოდ, კვერცხის შენახვის ვადა შეიძლება 30 დღემდე იყოს იმის გათვალისწინებით, სიგრილეშია თუ სამაცივრე პირობებში. არ შეიძინოთ კვერცხი, რომელზეც თარიღი მითითებული არ არის." - განაცხადა მარიამ ჩაჩუამ.შეღებვისთვის უკეთესია, თუ მუქი ფერის კვერცხს გამოვიყენებთ, რადგან უფრო კარგად იღებება. სოფლის კვერცხი სასარგებლო და უფრო მეტად გემრიელიცაა და ეს ფრინველის უფრო მრავალფეროვანი კვებითაა განპირობებული. ვინაიდან დიდი ხნის განმავლობაში ვხარშავთ, ის რისკები, რაც შეიძლება თან ახლდეს სოფლის კვერცხს დაბინძურების თვალსაზრისით, ამ შემთხვევაში დაზღვეულები ვართ.გარდა ამისა, უმჯობესია, თუ შეღებვის წინ მაცივრიდან გამოვალაგებთ და ნახევარი საათი გავაჩერებთ, რომ არ დაგვისკდეს და ისე შევღებოთ. ჩემი დიდი რჩევა და თხოვნა იქნება, რომ ხელოვნური საღებავები არ გამოვიყენოთ. ენდრო ყველაზე მიღებული ფორმაა, მაგრამ აქაც მინდა ერთი რჩევა მოგცეთ. წინასწარ დაფქულ ენდროს ნუ შევიძენთ იმიტომ, რომ დაფიქსირდა შემთხვევები, როდესაც იქ ხელოვნური საღებავებია შერეული. გარდა ამისა, შეღებილ კვერცხებს იმავე კვერცხის ყუთში ნუ ჩავაწყობთ.

ტაბლოიდი • 1713507060

VIDEO: როგორ შეხვდა ამერიკელი მეუღლის ოჯახი მარიამ ლამაზს - ცნობილი ტიკტოკერი გამომწერებს პასუხობს

ცნობილი ინფლუენსერი და ტიკტოკერი მარიამ ლამაზი, რომელიც გულახდილად საუბრობს ხოლმე პირად ცხოვრებაზე, ერთ-ერთი მისი გამომწერის შეკითხვას პასუხობს იმასთან დაკავშირებით, თუ  როგორი რეაქცია ჰქონდა მისი ამერიკელი მეუღლის ოჯახს, როდესაც მათ ურთიერთობაზე შეიტყვეს.„როდესაც ჩემი ქმარი გავიცანი, 36 წლის იყო, ამიტომ ოჯახის აზრი მისთვის დიდად არაფერს შეცვლიდა. ამასთან, [ნელსონი]19 წლიდან მარტო ცხოვრობს, დედასთან არ ყოფილა 16 წლიდან, ამიტომ თავიდანვე სრულიად დამოუკიდებელი ადამიანი იყოარც დედიკოს და არც მამიკოს ბიჭი არ ყოფილა არასდროს, ნელსონი როგორ მამის, ისე დედის მხრიდანაც პირველი შვილია და მის მშობლებს ძალიან უნდოდათ შვილიშვილები. როდესაც გამიცნეს, მაშინვე თბილად მიმიღეს..ერთადერთი მისი მეგობრები ეუბნებოდნენ, ეს გოგო მხოლოდ „მწვანე ბარათის“ [ბარათი, რომელიც უფლებას აძლევს უცხო ქვეყნის მოქალაქეს იცხოვროს და იმუშაოს აშშ-ში მუდმივად] გამო გელაპარაკებაო, თუმცა მე უკვე მქონდა [საბუთები]როდესაც ნელსონს ვუთხარი, რომ საბუთები მქონდა, მითხრა, რომც არ გქონოდა, მაინც გაგიკეთებდი, რადგან შემიყვარდი და შენგანაც ნამდვილ ემოციას ვხედავ ჩემს მიმართო“  @mariamlamazi Replying to @ნეა ჭ. Nea Morena🩷💛 ♬ original sound - Mariam Lamazi

მსოფლიო • 1713507018

გველმა დაჭერის დროს ზოოპარკის დირექტორს უკბინა - ფოტო (უცხოეთი)

ოდესაში გველი საცხოვრებელ უბანში შეიჭრა და ოდესის ზოოპარკის დირექტორს „დაჭერის“ დროს უკბინა. ამის შესახებ უცხოური მედია წერს.როგორც ზოოპარკის დირექტორმა განაცხადა, მას საგანგებო სიტუაციების სამსახურმა დაურეკა და უთხრა, რომ ჩერნომორკის მახლობლად, საცხოვრებელი კომპლექსის ტერიტორიაზე გველი იპოვეს. მათი თქმით, ხუთსართულიანი შენობის ქვეშ დიდი ქვეწარმავალი იმალებოდა. „მივედი ადგილზე, აღმოჩნდა, რომ ეს იყო ყვითელბუდიანი გველი. ისეთ ადგილას იჯდა, რომ მისი დაჭერა ცოტა მოუხერხებელი იყო, ამიტომ დაჭერის დროს მანდ კაცს უკბინა“,- ნათქვამია განცხადებაში.ზოოპარკის დირექტორმა წითელ ნუსხაში ​​შეტანილი გველის ფოტო გამოაქვეყნა, რომელიც მან გადაარჩინა. ჩანს, რომ ცხოველი ვიწრო ადგილას იმალებოდა, რომელშიც ადამიანს ძალიან უჭირს შესვლა.