პოლიტიკა • 1714052354

ტყუილი გაავრცელა ამ მედიასაშუალებამ და მოუწია ბოდიშის მოხდა, თუმცა, კვლავ იგივე ტყუილს იმეორებს - შალვა პაპუაშვილი

,,თქვენ ერთხელ უკვე მოიხადეთ ბოდიში არასწორად გავრცელებული ინფორმაციის გამო და ახლა თქვენი პოლიტიკური პოზიცია გასაგებია, არ ხართ აქციაზე,” - განაცხადა საქართველოს პარლამენტის თავმჯდომარემ შალვა პაპუაშვილმა ბათუმში, რეგიონულ მედიასთან შეხვედრაზე, რითაც გამოეხმაურა ,,ბათუმელების” რედაქტორის პოზიციას.როგორც პაპუაშვილმა აღნიშნა, ამ მედიასაშუალებას მოუწია ბოდიშის მოხდა, როდესაც გაავრცელა არასწორი ინფორმაცია მის ქონებრივ დეკლარაციასთან დაკავშირებით და ახლა მისი პოზიცია გაუგებარია.მისივე თქმით, სამწუხაროა, როდესაც ჟურნალისტებს აქვთ პოლიტიკური პოზიცია.,,თქვენ ერთხელ უკვე მოიხადეთ ბოდიში არასწორად გავრცელებული ინფორმაციის გამო და ახლა თქვენი პოლიტიკური პოზიცია გასაგებია, არ ხართ აქციაზე. სამწუხაროდ, თქვენ გაქვთ პოლიტიკური პოზიცია და პოლიტიკურ განცხადებებს აკეთებთ. ესაა პრობლემა, რომ ნაცვლად ჟურნალისტიკისა, გაქვთ პოლიტიკური პოზიცია. თუმცა, ეს არის სხვა განზომილების პრობლემა, როდესაც ჟურნალისტიკა იქცა პოლიტიკად, რაც უპირველესად საკუთარი პროფესიის უპატივცემულობაა ჩემი აზრით. ცოტა ხნით ადრე ერთი ტყუილი გაავრცელა ამ მედიასაშუალებამ და მოუწია ბოდიშის მოხდა, ქალბატონი ალბათ ამის გამოა ნაწყენი და კვლავ იგივე ტყუილს იმეორებს. ამაზე რა კომენტარი გავაკეთო არ ვიცი, თავადვე აღიარეს, რომ იყო ტყუილი მათ მიერ გავრცელებული ინფორმაცია,” - განაცხადა შალვა პაპუაშვილმა.

საზოგადოება • 1714051970

საქართველოში საფრანგეთის საელჩოს პოლიციის ატაშემ მადლობა გადაუხადა საქართველოს პროკურატურას და ევროპულ საგამოძიებო გუნდს წარმატებით ჩატარებული ოპერაციისთვის

მადლობას გიხდით გენერალურ პროკურატურას და მის ყველა თანამშრომელს ამ პრეზენტაციისთვის, შედეგებისთვის, მობილიზებისთვის, წარმატებით ჩატარებული ოპერაციისთვის, ასევე განსაკუთრებულ კმაყოფილებას გამოვხატავთ ევროპული საგამოძიებო გუნდის წევრების მიმართ, რომლებმაც მონაწილეობა მიიღეს ამ ღონისძიებაში, - ამის შესახებ საქართველოში საფრანგეთის საელჩოს პოლიციის ატაშემ ოლივიე ლეფებვრიმ ევროკავშირის ქვეყნებში არსებული ბიბლიოთეკებიდან ძვირადღირებული წიგნების ქურდობის ფაქტების გახსნასთან დაკავშირებით, საქართველოს პროკურატურაში გამართულ ბრიფინგზე განაცხადა.მისი თქმით, აღნიშნული დანაშაულის გამოვლენისთანავე, საფრანგეთის და ზღვისიქითა ტერიტორიების შინაგან საქმეთა სამინისტროს კულტურული მემკვიდრეობის უკანონო ვაჭრობის წინააღმდეგ ბრძოლის ცენტრალურმა ოფისმა შუამდგომლობით მიმართა ევროპულ სააგენტოს - ევროპოლს და გამოვლენილი ფაქტების საფუძველზე, ევროჯასტის და ევროპოლის ხელმძღვანელობით სამართლებრივი ჯგუფის და ერთიანი ევროპული საგამოძიებო გუნდის შექმნა მოითხოვა.ოლივიე ლეფებვრის განცხადებით, ერთობლივი საგამოძიებო გუნდის შექმნის მოთხოვნა დაკმაყოფილდა და აღნიშნული ღონისძიება საერთაშორისო პარტნიორობის და თანამშრომლობის შედეგად, საბოლოოდ წარმატებით განხორციელდა.„მადლობა ჩემს კოლეგებს შვეიცარიიდან, ლიეტუვადან, საფრანგეთიდან და ევროპის სხვა ქვეყნებიდან, რომლებიც ჩართულნი იყვნენ ამ ერთობლივ საგამოძიებო პროცესში“ - აღნიშნა საქართველოში საფრანგეთის საელჩოს პოლიციის ატაშემ.

პოლიტიკა • 1714051818

ევროპარლამენტის რეზოლუცია არის კიდევ ერთი მტკიცებულება, რომ ევროპა გვიკეთებს ისეთ შეთავაზებებს, რომელზედაც ჰგონია, რომ საქართველო უარს ვერ იტყვის- თითქმის არ მეპარება ეჭვი, ამ რეზოლუციაშიც დიდი ფულია გადახდილი - ზაალ ანჯაფარიძე

„ეს რეზოლუცია არის სტიმული მინავლებისკენ წასული საპროტესტო აქციების ხელახლა გამწვავებისთვის“- ასე ეხმიანება ანალიტიკოსი ზაალ ანჯაფარიძე საქართველოს შესახებ ევროპარლამენტის რეზოლუციას.ანჯაფარიძის თქმით, ევროპარლამენტი გვიკეთებს ისეთ შეთავაზებებს, რომელზედაც ჰგონია რომ საქართველო უარს ვერანაირად ვერ იტყვის.ანალიტიკოსის აზრით, ამ რეზოლუციაშიც დიდი ფულია გადახდილი.„ევროპარლამენტის მორიგი ყბადაღებული რეზოლუცია არის კიდევ ერთი მტკიცებულება, რომ ევროპა საქართველოს ეპყრობა როგორც მაფიის ნათლიმამა დონ ვიტო კორლეონე. ანუ გვიკეთებს ისეთ შეთავაზებებს, რომელზედაც ჰგონია რომ საქართველო უარს ვერანაირად ვერ იტყვის. თითქმის არ მეპარება ეჭვი, რომ ამ რეზოლუციაშიც, ისევე როგორ წინა რეზოლუციებში, დიდი ფულია გადახდილი და ამასაც მალე გავიგებთ  რა უნდა იფიქროს და იგრძნოს საქართველოს რიგითმა მოქალაქემ, როდესაც ამერიკელი და ევროპელი კონგრესმენები, პარლამენტარები, პოლიტიკოსები, დიპლომატები და ექსპერტები მას ეუბნებიან, რომ სააკაშვილის და ნაცმოძრაობის მმართველობის დროს საქართველო ევროპულ რეფორმებს ატარებდა და ეხლა თურმე ევროპული გზიდან გადაუხვია. ანუ, მათი ლოგიკით საქართველოს მოსახლეობამ თურმე შეცდომა დაუშვა, რომ 2012 წელს ნაცმოძრაობა ხელისუფლებას ჩამოაშორა.ეს რეზოლუცია არის სტიმული მინავლებისკენ წასული საპროტესტო აქციების ხელახლა გამწვავებისთვის“-წერს ზაალ ანჯაფარიძე სოციალურ ქსელში.

შოუბიზნესი • 1714051310

Massive Attack კონცერტზე დასასწრები ბილეთების გაყიდვა დაიწყო

28 ივლისს, Black Sea Arena ლეგენდარულ ბრიტანულ პროექტს Massive Attack-ს უმასპინძლებს. ბილეთები უკვე ხელმისაწვდომია ვებგვერდზე TKT.ge. მათი ფასი 125 ლარიდან 375 ლარამდე მერყეობს.Starring Georgia-ს, თიბისის და VISA-ს თანამშრომლობის ფარგლებში შევქმენით შენი  მეგზური ციფრული ბარათი, რომლის დახმარებითაც ბევრ საინტერესო შეთავაზებას მიიღებ Starring Georgia-ს დაგეგმილი ღონისძიებების ფარგლებში. გაიაქტიურე ბარათი ახლავე https://tbconline.ge/MB/offer?offerId=9111 და მიიღე სპეციალური შეთავაზებები Massive Attack-ის ბილეთების შეძენისას და Starring Georgia- ს მიერ დაგეგმილ სხვა ღონისძიებებზე.გარდა ამისა Starring Georgia -ს, TBC-სა და VISA-ს პარტნიორობის ფარგლებში რამოდენიმე ტიპის ფასდაკლება მოქმედებს:-30% Star Ring კატეგორიის ბილეთებზე Starring Card-ით გადახდისას;-20% ყველა კატეგორიის ბილეთზე თიბისი Visa სადებეტო ბარათით გადახდისას;-30% II იარუსის კატეგორიის ბილეთებზე თიბისი მოსწავლის და სტუდენტის Visa ბარათებით გადახდისას;-30% VIP კატეგორიის ბილეთებზე თიბისი კონცეპტის და  WM-ის Visa ბარათებით გადახდისას;-15% ყველა კატეგორიის ბილეთზე თიბისი განაწილებით გადახდისას.აღსანიშნავია, რომ 1 მომხმარებელს მაქსიმუმ 4 ბილეთის შეძენა შეუძლია.პირველად საქართველოში, მსმენელს საშუალება მიეცემა ცოცხლად მოისმინოს ისეთი ცნობილი კომპოზიციები, როგორებიცაა Teardrop, Unfinished Sympathy, Paradise Circus. ბენდის ღონისძიებები ხშირად აუდიო-ვიზუალურ თეატრალურ წარმოდგენებს გავს, რადგან Massive Attack-ი ყოველთვის ცდილობს მათი შემოქმედება რეალური და ყოველდღიური ცხოვრების დეტალებთან კავშირში იყოს.Massive Attack ცნობილია ჰიპ-ჰოპის, ელექტრონიკის, დაბის და კიდევ მრავალი მუსიკალური ჟანრის ჰარმონიულად შერწყმის ოსტატობით. მათი შემოქმედება არღვევს მუსიკაში არსებულ ყველა საზღვარს. სწორედ ამის შედეგია, რომ ბრისტოლში დაფუძნებულმა ჯგუფმა შექმნა ერთგულ გულშემატკივართა უდიდესი არმია მთელ მსოფლიოში და მათ შორის, საქართველოშიც.

რჩევები • 1714051200

სად და როგორ უნდა შევინახოთ მედიკამენტები სახლში - საუკეთესო საშუალება

სად შევინახოთ მედიკამენტები სახლში - განსაკუთრებით თუ გყავთ მცირეწლოვანი ბავშვები ან პრეპარატები საჭიროებენ შენახვის გარკვეულ პირობებს.მედიკამენტების შენახვის წესები - რჩევებიწამლის ხარისხის მაღალი დონის შესანარჩუნებლად ექსპერტები პირველ რიგში გვირჩევენ:დაიცავით მედიკამენტები მტვრისგან - ექსპერტების უმეტესობა გვირჩევს არ ამოიღოთ ისინი ორიგინალური შეფუთვიდან.უზრუნველყოს საჭირო ტემპერატურის პირობები თითოეული წამლისთვის (ეს მითითებულია გამოყენების ინსტრუქციაში ან შეფუთვაზე);საჭიროების შემთხვევაში შეინარჩუნეთ ჰაერის ოპტიმალური ტენიანობა.მთავარია გახსოვდეთ, რომ მედიკამენტების შენახვისას ძალიან მნიშვნელოვანია მათი ფიზიკური და ქიმიური თვისებების გათვალისწინება, ასევე მათთვის ინსტრუქციებში მითითებული ძირითადი მოთხოვნები.უმჯობესია შეინახოთ მედიკამენტები ლითონის ან პლასტმასის ყუთებში, მოათავსოთ ისინი ძნელად მისადგომ ადგილებში ისე, რომ ბავშვებმა ვერ მიაღწიონ მათ. ეს შეიძლება იყოს მაღალი თაროები, კაბინეტის ან მაცივრის ზედა თაროები, საჭიროების შემთხვევაში, წამლების შესანახად დაბალ ტემპერატურაზე. ამ შემთხვევაში ქრება კითხვა, თუ რატომ შეინახეთ მედიკამენტები მაცივარში. ეს აუცილებელია მათი შენახვის ვადის გასაგრძელებლად და ხარისხის შესანარჩუნებლად.