პოლიტიკა • 1713514790

ზაზა შათირიშვილი მიმართვას ავრცელებს

„მმართველი გუნდის მიერ, „გამჭვირვალობის“ კანონის ინიცირებიდან დღემდე განვლილი პერიოდი და მომხდარი ფაქტები საშუალებას გვაძლევს, რამდენიმე კუთხით დავინახოთ მოვლენები და საზოგადოებას სწორი და ჯანსაღი ანალიზი მივაწოდოთ.პირველ რიგში, საგულისხმო და გასახარია, რომ ამ ურთულესი და უთანასწორო დაპირისპირების პირველი რაუნდი საქართველოს ხელისუფლებამ და ქართველმა ხალხმა მოიგო. მოიგო არაერთი ფაქტორის გამო, პირველ რიგში კი, საზოგადოებასთან სწორი და გამართული კომუნიკაციით. დღეს ჩვენი ქვეყნის მოსახლეობის დიდმა უმრავლესობამ ზუსტად იცის, რომ გამჭვირვალობის კანონი მხოლოდ საქართველოს სუვერენიტეტის გაძლიერებას ემსახურება. ქართველმა ხალხმა კარგად გაიგო, რომ ამ კანონის გატანა არის პრინციპული საკითხი, რათა ქვეყანა დაემსგავსოს ქვეყანას და ოცდაათწლიანი ჩაკეტილ წრეზე სიარულის შემდეგ, როგორმე გადავდგათ ნაბიჯი წინ, უფრო მეტი დამოუკიდებლობისკენ. ამის მიუხედავად, არავინ იფიქროს, რომ ყველაფერი დასრულდა - პირიქით, ყველაფერი ახლა იწყება.დასაწყისში ვახსენე, რომ ეს დაპირისპირება არის უთანასწორო, რასაც მცირე განმარტება მინდა გავუკეთო. ფაქტია, რომ დღეს ქართველი ხალხი და საქართველოს ეროვნული ხელისუფლება ძალიან დიდ ძალას დაუპირისპირდა. ძალას, რომელსაც მთელს დასავლეთში აქვს ფესვები გადგმული და აკონტროლებს ყველაფერს: მთავრობებს, ეკონომიკას, დიდი გაერთიანებების ბიუროკრატიას და შესაბამისად, პოლიტიკურ პროცესებს.“გამჭვირვალობის კანონის” ინიცირება გველების ბუდესთან გოგირდის ახრჩოლებას ჰგავდა, რადგან ეს კანონი პირდაპირ ეხება ქართველი უსამშობლო ოპოზიციის და მათ პატრონებს უცხოეთში. პირდაპირ ეხება ქართველი უსამშობლოებისათვის შავი ფულის გადაკეტვას და ფაქტია, ამ ხალხს ყველაზე მეტად გამჭვირვალობა აშინებს. ცხადია, არავინ ფიქრობს, რომ ცალკე აღებული გვარამია, მელია, გახარია, ხაზარაძე, სააკაშვილი და ჯაფარიძე რამეს წარმოადგენს, მაგრამ მათ ზურგზე ნამდვილად დიდი წარმოდგენა უნდა გვქონდეს.ეს ზურგი არის ამერიკის შეერთებული შტატები და მის მიერ სრულად გაკონტროლებული ევროპა. გულდასაწყვეტია, რომ ევროკავშირი, თითქმის ყველა ქვეყნის ლიდერის ხელით, ბოლომდეა დამორჩილებული ამერიკის მმართველობას და თვითგანადგურების რეჟიმშია. ევროკავშირის ქვეყნებში აღარ არსებობს არც პრეზიდენტის და არც პრემიერ-მინისტრის ინსტიტუცია, ამ ქვეყნებს აგენტების ხელით მართავენ და საკუთარ ჭკუაზე დაატარებენ. სწორედ ამით აიხსნება ჩვენი ქვეყნის მიმართ არაევროპული, ველური თავდასხმა. სწორედ ამით აიხსნება გამწარებული წინააღმდეგობა გამჭვირვალობის კანონის წინააღმდეგ. სწორედ ამით აიხსნება, რომ ამერიკელებმა რიგში ჩაამწკრივეს თავიანთი „ევროპელი“ აგენტები, როგორიცაა მაგალითად შარლ მიშელი და დღეში 2-3 განცხადებას აკეთებინებენ ჩვენ წინააღმდეგ. ყველაზე ამორალური ამ პროცესში კი მათი სითავხედეა - იმდენად დაბალ ღობედ მივაჩნივართ, რომ უტიფრად გვეუბნებიან, არ მივიღოთ კანონი, რომელიც ათწლეულებია ამერიკაში მოქმედებს, ხოლო ევროკავშირში ინიცირებულია და მალე დაამტკიცებენ. მიზეზის მოფიქრებაზეც ბევრი არ უფიქრიათ - ურცხვად გვეუბნებიან, რომ ჩვენთვის არაევროპულია ის, რასაც თავად აკეთებენ. სიმართლე გითხრათ, გლობალურ პოლიტიკაში მსგავსი თავხედური ორმაგი სტანდარტი აქამდე არასოდეს მინახავს.და მაინც, მთავარი სათქმელი ახლა უნდა ვთქვა - გამჭვირვალობის კანონის ინიცირებამ სულ წყალში ჩაუყარა აქაური, გავერანებული ოპოზიციის დავალების მიმცემებს მინიმუმ სამწლიანი წვალება და შრომა, რომ როგორმე დაზიანებული "ნაცმოძრაობა" დაესუსტებინათ და მის ნაცვლად ახალი, ვითომდა "შუაშისტური" პოლიტიკურ ძალა შეექმნათ. ხან ხაზარაძე აწვალეს, ხან გახარია - არაფერი გამოუვიდათ, რადგან ერთმა მოძალადე მევახშის, ხოლო მეორემ მოღალატის სამართლიანი იარლიყი ვერაფრით ჩამოიშორა. ბოლოს, ორი ოდიოზური კრიმინალი, გვარამია და მელია ხელოვნურად შეაწებეს ერთმანეთს, მაგრამ ეს სიმბიოზი სასაცილოდ არ ჰყოფნის ქართველ ხალხს. გამჭვირვალობის კანონმა ეს ვითომდა ერთმანეთს დაპირისპირებული პოლიტიკოსები ისევ გააერთიანა, თანაც, ოფიციალურად. გუშინ მათ ერთობლივი განცხადება გააკეთეს, რომ ერთად და კოორდინირებულად იბრძოლებენ "გამჭვირვალობის კანონის" წინააღმდეგ. ცხადია, მათი დაპირისპირების ხელოვნური ამბავი რთული დასაჯერებელი იყო, მაგრამ თუ ვინმეს ეგონა, რომ ხაზარაძე სააკაშვილს ბუნებრივად ლანძღავდა, ან გვარამია რომ ამბობდა, მიშა ჩემი კონკურენტიაო, გულწრფელი იყო ამ სიტყვებში - ახლა ყველაფერი თავის ადგილზე დადგა.მოკლედ რომ ვთქვათ, წრედი შეკრულია - წილი ნაყარია. "გამჭვირვალობის კანონი" ააშკარავებს აქ უსამშობლო ოპოზიციას და გარეთ დამფინანსებლებს. მათი მიზანი მარტივია - ეროვნული ხელისუფლება მოიშორონ, თანამდებობებზე მათ მიერ მართული მარიონეტები დანიშნონ და სრულად დაიმორჩილონ საქართველო. შემდეგ კი გააკეთებენ ყველაფერს, რასაც მოინდომებენ. პირველ რიგში ომს გააჩაღებენ რუსეთთან უსამშობლო პოლიტიკოსების ხელით, ხოლო შემდეგ, თუ ჩვენი ქვეყნიდან რამე დარჩება, სხვა მიზნებისთვის გამოიყენებენ. შესაბამისად, მათთვის ახლა გადამწყვეტი მომენტი დგას. აქაური რადიკალების დამფინანსებელი გარე ძალები ყველა რესურსს გამოიყენებენ, ბოლო ტყვიას გაისვრიან, რომ როგორმე „ქართულმა ოცნებამ“ ეს კანონი არ მიიღოს. ამ გზაზე იქნება ბევრი ნაღმი, შანტაჟი და მუქარა, მაგრამ მაინც ვიმედოვნებ, რომ დღევანდელი ხელისუფლება და ქართველი ხალხი არ დაუშვებს ეს ქვეყანა აგენტურას გადააბაროს“, - აღნიშნა ზაზა შათირიშვილმა.

მეცნიერება • 1713514565

ჩახუტება ტკივილს, შფოთვასა და დეპრესიას ამსუბუქებს - კვლევა

ახალი კვლევის ფარგლებში სპეციალისტებმა ამ საკითხისადმი მიძღვნილი 212 ნაშრომი გააანალიზეს და დაასკვნეს, რომ, ზოგადად, შეხება ნებისმიერი ასაკის ადამიანის ფიზიკურ და მენტალურ ჯანმრთელობას აუმჯობესებს.„აქამდეც ვიცოდით, რომ შეხება ჯანმრთელობაზე ზემოქმედების მხრივ მნიშვნელოვანია, მაგრამ, მრავალი კვლევის მიუხედავად, უცნობი იყო, როგორ უნდა გამოვიყენოთ ის ოპტიმალურად, კონკრეტულად რა ეფექტს უნდა ველოდოთ და როგორია გავლენის მქონე ფაქტორები", - აცხადებენ ავტორები.მათ მიერ შესწავლილ ნაშრომებში 12 966 ადამიანის მონაცემებია გაერთიანებული. ამ ინფორმაციის ანალიზმა აჩვენა, რომ შეხება შესაძლოა, ტკივილის, შფოთვისა და დეპრესიის შემსუბუქებაში დაგვეხმაროს. ეს ეფექტი დაფიქსირდა როგორც ბავშვებში, ისე ზრდასრულებში.მსგავსი ზემოქმედება სხვადასხვა ტიპის ფიზიკური კონტაქტისას ვლინდება, იქნება ეს ჩახუტება თუ მასაჟი. ამის მიუხედავად, ყველაზე ეფექტიანი თავსა და სახეზე შეხება აღმოჩნდა, ყველაზე დადებითი რეაქციების გამომწვევი კი ხანმოკლე და ხშირი შეხება.დადგინდა ისიც, რომ ჩვილებში მშობლებთან შეხება უფრო შედეგიანია, მოზრდილებში კი სხვაობას არ გვაძლევს, ახლობელია თუ არა ადამიანი. რა თქმა უნდა, დადებითი ეფექტის მისაღებად შეხება სასურველიც უნდა იყოს, ხოლო რეაქციები აბსოლუტურად ინდივიდუალურია.

ჰოროსკოპი • 1713514511

მიხეილ ცაგარელის 19 აპრილის ასტროლოგიური პროგნოზი

მზის 20 მაისამდე კუროს ზოდიაქოს ნიშანში გადასვლა ერთის მხრივ, დისციპლინას და ორგანიზებულობას, შეუპოვრობას და მიზანდასახულობას, პრაქტიკულობას და პრაგმატულობას, მოთმინებას და ნებისყოფას, მეორეს მხრივ, სიზარმაცეს და სიჯიუტეს, ეჭვიანობასა და მესაკუთრეობას გააძლიერებს ადამიანებში.ნებისმიერი საქმის შესრულებისას მიაქციეთ ყურადღება დეტალებს, რადგან სწორედ ერთი შეხედვით უმნიშვნელო წვრილმანების გათვალისწინებით შეძლებთ წარმატების მიღწევას.პარტნიორული ურთიერთობა – არ ღირს ზედმეტი ეჭვიანობა, კრიტიკულობა და პარტნიორისთვის დაუსაბუთებელი ბრალდებების წაყენება.პოზიტიური და ნეგატიური დღე – ნაკლებად გაამართლებს ნიშნობა და ქორწინება, გასაუბრების გავლა და გამოცდების ჩაბარება, უძრავი ქონების ყიდვა და გაყიდვა.ჯანმრთელობა – გაამდიდრეთ კვების რაციონი ხილით და ბოსტნეულით. გაუფრთხილდით დასუსტებულ ელენთას და კუჭქვეშა ჯირკვალს.დღის ფერები და მინერალები – ყვითელი, მწვანე, ნაცრისფერი, ნარინჯისფერი და ვერცხლისფერი, ასევე აქატი, მალაქიტი, ქრიზოპრაზი, ოპალი, ყვითელი და მწვანე იასპი გააძლიერებენ თქვენს ბუნებრივ შარმს, კოსმოსის დადებითი ენერგიების მოზიდვით კი, გაზრდიან წარმატების შანსებს.ზოდიაქოს ნიშნები – იღბლიანი დღეა თხის რქისა და თევზებისთვის. ნაკლებად გაუმართლებთ ვერძს, ტყუპებს და სასწორს.

ომი უკრაინაში • 1713512946

პირველად გავანადგურეთ რუსული Ту-22М3 ტიპის ბომბდამშენი - უკრაინის საჰაერო ძალები

უკრაინული მედია უკრაინის საჰაერო ძალების მეთაურზე, ნიკოლაი ოლეშჩუკზე დაყრდნობით წერს, რომ უკრაინელებმა პირველად გაანადგურეს რუსული Ту-22М3 ტიპის ბომბდამშენი. საუბარია ბომბდამშენზე, რომელიც რუსეთში, სევასტოპოლის მხარეში ჩამოაგდეს."პირველად, საჰაერო ძალების საზენიტო-სარაკეტო ქვედანაყოფებმა, უკრაინის თავდაცვის სამინისტროს მთავარ სადაზვერვო სამმართველოსთან თანამშრომლობით, სტრატეგიული ბომბდამშენი Ту-22М3 გაანადგურეს", - ამბობს ოლეშჩუკი.მისი თქმით, აღნიშნული თვითმფრინავი X-22 ფრთოსანი რაკეტების მატარებელია, რომელსაც რუსები უკრაინის მშვიდობიან ქალაქებზე თავდასხმისთვის იყენებენ.ცნობისთვის, რუსეთის თავდაცვის სამინისტრო ამტკიცებს, რომ რუსეთის აეროკოსმოსური ძალების კუთვნილი Ту-22М3 ტიპის ბომბდამშენი საბრძოლო დავალების შესრულების შემდეგ ჩამოვარდა. უწყების თქმით, კატასტროფის მიზეზი თვითმფრინავის ტექნიკური გაუმართაობა გახდა.

ჯანდაცვა • 1713512893

დევნილთა სააგენტოს დირექტორი შიდა ქართლის რეგიონში მცხოვრებ დევნილებს შეხვდა

დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ზურაბ უტიაშვილმა, შიდა ქართლის სახელმწიფო რწმუნებულ ლევან ხარაბაძესთან ერთად, შიდა ქართლის რეგიონში მცხოვრებ დევნილებთან შეხვედრა გამართა.შეხვედრაზე სააგენტოს წარმომადგენლებმა იძულებით გადაადგილებულ პირებს, ის პროგრამები და პროექტები გააცნეს, რაც მათი განსახლებისა და საარსებო წყაროებით უზრუნველყოფის მიმართულებით ხორციელდება.სააგენტოს დირექტორმა შეხვედრის მონაწილე დევნილების შეკითხვებს უპასუხა და მათი პრობლემები მოისმინა. დევნილ ოჯახებთან მსგავსი შეხვედრები მომავალშიც აქტიურად გაგრძელდება.