მთავარი თემა

პროკურატურა სააკაშვილისთვის შიდა პატიმრობას ითხოვს

ხაბეიშვილის ბრალდებები კალაძეს: ვინ და როგორ მოიძია მილიონობით კომპანიას შორის მაინცდამაინც ის კომპანია, რომელსაც ანგარიშები მილანში აქვს

12:54 12-07-2017
132

„ნაციონალური მოძრაობის“ წევრის ლევან ხაბეიშვილის განცხადებით, თბილისში საახალწლო განათებების შესაძენად შერჩეული კომპანია თბილისის მერიამ კორუფციული სქემის მეშვეობით შეარჩია.

ლევან ხაბეიშვილის თქმით, მერიამ ტენდერის გარეშე გააფორმა ხელშეკრულება იტალიურ კომპანიასთან, რომელსაც საბანკო ანგარიშები მილანში აქვს.

ლევან ხაბეიშვილი საგამოძიებო უწყებებს მოუწოდებს დაინტერესდნენ და გამოიძიონ რატომ შეირჩა იტალიური კომპანია.

 

„მნიშვნელოვანია და კონკრეტული დეტალია, რომ ტენდერის გარეშე, ერთ პირთან მოლაპარაკების გზით გაფორმდა ხელშეკრულება იტალიურ კომპანიასთან, რომელსაც „შემთხვევით“ საბანკო ანგარიშები მილანში აქვს. გვაქვს ლეგიტიმური შეკითხვა, ამიტომ საგამოძიებო უწყებებს ვთხოვთ, დაინტერესდნენ, ვის დაესიზმრა მილიონობით კომპანიაში მაინცდამაინც ის კომპანია, რომელიც იტალიაშია დაფუძნებული და მისი ანგარიშები არის მილანში. რატომ მოხდა ამ კომპანიის შერჩევა, რატომ ხდება სამჯერ მეტი თანხის გადარიცხვა თბილისის ბიუჯეტიდან განათებებისთვის, ვიდრე ოდესმე გადარიცხულა. საქმე ხომ არ გვაქვს კონკრეტულ კორუფციულ გარიგებასთან, ხომ არ ველოდოთ მაგალითად საგზაო სამუშაოებზე თბილისში შემდგომში ჯენარო გატუზოს ან ალესანდრო ნესტას კომპანიების გამოჩენას, მარტივი და ლოგიკური შეკითხვა გვაქვს და ამაზე პასუხი კახა კალაძემ უნდა გასცეს, ვინ და როგორ მოიძია მილიონობით კომპანიას შორის მაინცდამაინც ის კომპანია, რომელსაც ანგარიშები მილანში აქვს“, - განაცხადა ხაბეიშვილმა.