ტაბლოიდი • 1713440130

„შემოგლიჯა კარი...“ - დაპირისპირება სალომე უშხვანსა და ანი ყიფშიძეს შორის

სალომე უშხვანსა და ანი ყიფშიძეს შორის ურთიერთობა დაიძაბა.სალომე უკმაყოფილოა და ამბობს, რომ ანი თავის აზრს მონაწილეების მიმართ მკაფიოდ არ აფიქსირებს.„მე არ მითქვამს, რომ ანი ყიფშიძე ცუდი ბოსი იყო. ნამდვილად კარგად გაართვა თავი რაღაც რაღაცეებს. მაგრამ, იყო რაღაც ნიუანსები, რასაც მე სხვანაირად ვიზამდი. მე არ ვიყავი იდეალური ბოსი მესამე სეზონში, რაღაც რაღაცეები მეც გამექცა. რომ გეუბნები, რომ ამაში კარგი ხარ და ამაში გეუბნები რა არ მომწონს ხომ შეიძლება მიმღებლობა გქონდეს...სალომეს ვეუბნები იმ დღეს, ანის დამოკიდებულება აზრის დაფიქსირებასთან დაკავშირებით დამაკმაყოფილებელია მეთქი? ეტყობა უთხრეს გარედან, მიდი შენზე საუბრობენო, გეგონება პირში არ მქონდა ნათქვამი. შემოგლიჯა ეს კარი, მეთქი რა ხდება, ჯერ ოთახში შედიხარ მინიმუმ დააკაკუნე, რა ზრდილობა მაინც იქონია. ამ კარების შენგრევით რის მანიფესტაციას ცდილობს ვერ ვხვდები...“, - ამბობს სალომე უშხვანი.  

რეგიონი • 1713439967

ასპინძაში სანაპიროს ქუჩაზე სპორტული მოედნის მოწყობა აქტიურად მიმდინარეობს

დაბა ასპინძაში აქტიურად მიმდინარეობს სანაპიროს ქუჩაზე სპორტული მოედნის მოწყობა. მიმდინარე სამუშაოები მუნიციპალიტეტის მერმა როსტომ მაგრაქველიძემ, მერის პირველმა მოადგილემ დავით პაპაშვილმა, მერიის შესაბამისი სამსახურისა და კომპანიის წარმომადგენლებთან ერთად ადგილზე დაათვალიერა.პროექტის ფარგლებში მოეწყობა მინი სტადიონი ხელოვნური საფარით და ლითონის ღობით.სამუშაოები აქტიურად მიმდინარეობს და განსაზღვრულ ვადებში დასრულდება

ჰოროსკოპი • 1713439934

ზოდიაქოს 4 ნიშანი, რომლებიც პოპულარობისა და წარმატებისათვისაა დაბადებული

ზოგიერთი ადამიანი მუდმივად ცდილობს, წარმატებას მიაღწიოს, ყურადღების ცენტრში იყოს და აღიარება მოიპოვოს. ზოგი კი მშვიდად, აფიშირების გარეშე აკეთებს თავის საქმეს და ჩრდილში ყოფნას ამჯობინებს. როგორც ასტროლოგები ამბობენ, ადამიანების ხასიათზე ვარსკვლავები განსაკუთრებულ გავლენას ახდენენ და განსაზღვრავენ, რა პოზიციას დაიკავებენ მომავალში.აღსანიშნავია, რომ ადამიანების პოპულარობასა და წარმატებაზე მზე, მთვარე, ნეპტუნი და იუპიტერი ახდენენ გავლენას. ლომის, მშვილდოსნის, თევზებისა და კირჩხიბის ნიშნები კი ამ კუთხით გამორჩეულები არიან.ლომებისთვის ყურადღება და აღფრთოვანება მნიშვნელოვანია. ისინი მენტალურად ძალიან ძლიერი ადამიანები არიან და ზუსტად იციან, რისი მიღწევა სურთ. ამიტომ, ხშირად ირჩევენ ისეთ პროფესიებს, რომლებიც საჯაროობასთან, ლიდერობასთან და საკუთარი თავის გამოხატვასთან ასოცირდება. მიუხედავად იმისა, რომ თევზებს ბავშვობიდან ყურადღებისაგან დამალვა სურთ, უნებლიედ შესაძლოა, მაინც ძალიან ცნობილი და საჯარო ადამიანები აღმოჩნდნენ. მაგალითად, ისინი ხელოვნებას, სამართალს, მედიის მიმართულებას ხშირად უკავშირებენ საკუთარ ცხოვრებას იმის გამო, რომ სხვების უფლებები დაიცვან და სამყარო უკეთეს ადგილად გადააქციონ. შესაბამისად, ცნობადობაც მოდის.მშვილდოსნები ძალიან აქტიური, ცნობისმოყვარე, თავგადასავლების მოყვარული ადამიანები არიან. მათთვის პოპულარობა ცხოვრების კონტროლის საშუალებაა. აქედან გამომდინარე, ზოდიაქოს ამ ნიშნის წარმომადგენლებს ხშირად ვხვდებით პოლიტიკაში, ბიზნესში, მარკეტინგსა და პიარში. მშვილდოსნებს აქვს უნარი, ადამიანები თავის გარშემო შემოიკრიბონ და სხვადასხვა აქტივობა დაგეგმონ, ინიციატივა გამოიჩინონ. ეს თვისებები კი მათ საუკეთესო ლიდერებად აყალიბებს... ვრცლად

პოლიტიკა • 1713438288

ძალადობის ნებისმიერი შემთხვევა პოლიტიკაში მიუღებელია განურჩევლად იმისა, თუ ვისკენ არის მიმართული - ერთადერთი რისი გაკეთებაც შემიძლია, ყველა მხარეს მოვუწოდო, არ მიმართოს ძალადობას - დიდი ბრიტანეთის ელჩი

ძალადობის ნებისმიერი შემთხვევა პოლიტიკაში მიუღებელია განურჩევლად იმისა, თუ ვისკენ არის მიმართული, - ამის შესახებ დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩმა საქართველოში, მარკ კლეიტონმა ჟურნალისტებს განუცხადა.იგი ბოლო დღეებში განვითარებულ მოვლენებს გამოეხმაურა.„შემიძლია გავიმეორო ის, რაც ჩემმა ევროპელმა კოლეგამ გუშინ თქვა - ძალადობის ნებისმიერი შემთხვევა პოლიტიკაში მიუღებელია განურჩევლად იმისა, თუ ვისკენ არის მიმართული. ვაცნობიერებ, რომ ამ მომენტში საქართველოში სენსიტიური პერიოდია. არის გულწრფელი ძლიერი გრძნობები უცხოური გავლენების გამჭვირვალობის შესახებ კანონთან დაკავშირებით, თუმცა ანალოგიურად არის მთავრობის ძლიერი პოზიცია. ერთადერთი, რისი გაკეთებაც შემიძლია, ყველა მხარეს მოვუწოდო, არ მიმართოს ძალადობას“, - განაცხადა მარკ კლეიტონმა.საქართველოში ევროკავშირის ელჩმა, პაველ ჰერჩინსკიმ განაცხადა: „ძალადობა მიუღებელია. ჩვენ მხარს ვუჭერთ მშვიდობიანი დემონსტრაციის უფლებას, დემოკრატიულ ქვეყანაში ნებისმიერი მხრიდან ნებისმიერი ფორმის ძალადობა მიუღებელია“.

საზოგადოება • 1713437425

ცნობილია, და-ძმის ვინაობა, რომლებიც კახეთში უმძიმეს ავარიას ემსხვერპლნენ

დედოფლისწყაროში უმძიმეს ავტოსაგზაო შემთხვევას რუსთაველი და-ძმა ემსხვერპლა.გარდაცვლილები თამუნა და ვალერი ფრიდონაშვილები არიან.და-ძმა შემთხვევის ადგილზე გარდაიცვალა, ხოლო მესამე მგზავრი დაშავდა და კლინიკაში გადაიყვანეს.